Te Au Taka'inga Nō Te Tāma ‘I Te Vai Ma Te Kore ‘e Tā-vairākau’anga

Te Au Taka'inga Nō Te Tāma ‘I Te Vai Ma Te Kore ‘e Tā-vairākau’anga.
Released by Te Vai Ora Maori, Nov 2019.
[www.islandbooth.com/comm/191107-tvom-non-chemical-water-treatment.html].

Masthead Te Mato Vai System showing proposed non-chemical water treatment methods.

This info sheet was produced by Te Vai Ora Maori for the Koutu Nui Vaka Meetings, Sept-Oct 2019.

Language: Maori | English

Kua kimikimi matatio atu te pupu “Te Vai Ora Māori” ki roto ‘ī tēta’i au rāvenga nō te ‘akapāpu ē kia mā ‘ē kia meitaki te vai inu ma te kore ‘e tā’vairākau’anga. Ko te au rāvenga tei rauka mai kāre 'i tūke roa mei tā Te Mato Vai ‘ē tāmanako nei. ‘I roto ‘i tā tātou ‘ākono’anga Māori, kāre ‘ē ma’ata ana te ‘akapou’angā moni, kāre katoa te tāvairakau’anga ‘i te vai ‘ē tau ana ki tā tatou au peu nō te utuutu’anga ‘i tō tātou Aorangi.

Tāma’angā Vai

1. TᾹ MĀRIE ‘I TE VAI: Kā riro te tanu’anga ‘i te au rākau mei te matie vetiver ki te pae kauvai ‘i uta ‘i te ō ‘i te tā mārie ‘i te ta’e’anga ‘ō te vai ‘ē ka ārai katoa tē reira ‘i te au rau rākau ‘ē te one kia kore ‘ē pururū ki roto ‘i te kauvai.
2. ’ AKANEKE ‘E ‘apinga teia ‘i runga ‘i te pū paipa ‘ē nā tē reira ‘ē vāito ana ‘i te ve’u ‘ō te vai ‘ē kā tuku ‘ua tē reira ‘i te vai mā. Kā tā’oki ‘ia te vai ve’u ‘ē te repo ki roto ‘i te kauvai. Mē repo ‘oki te vai ‘i raro ‘i te kauvai, nā teia ‘apinga ‘ē ue kia tā’anga’anga ‘ia te vai ‘i roto ‘i te tāngika ‘ē tae ‘uātu te tuātau ‘ē tau ‘aka’ou ei te vai ‘kia nā roto ‘i te paipa.
3. VAIRᾹKAU ‘AKAMĀTORU: Kā riro te vairākau ‘akamātoru ‘i te tauturu ‘i te au ‘apinga rikiriki ‘i roto ‘i te vai kia kāpitipiti, kia ngōie ‘ua ‘i te tomo ki raro ‘i roto ‘i te tāngika ‘akatakakē’anga. ‘Ᾱiteite ‘ua te ‘anga’anga ‘ā te ‘ua ‘ō te Moringa ki te vairākau ‘akamātoru toto. TĀ’AU: Ka rauka ‘i te matie vetiver tei ‘akatupu’ia ki runga ‘i te pā’ata pāpānu ‘i te tā’au e te tāma I te vai na roto i te anga’anga ‘ā te au manumanu ‘unga memeitaki (biofiltration). Kua ‘āriki ‘ia tēia ngā rākau ‘ē te Tu’anga ‘ō te Pae Tanu ‘ē te ‘akatupu ‘ia nei tē reira ‘i Rarotonga.
4. ‘AKATAKAKĒ’ANGA: Kā pou rāi tēta’i toru ora ‘i te vai ‘i te tere’anga nā roto ‘i tēia tāngika ‘akatakē’anga. Ko te au ‘apinga teia’a ‘i roto ‘i te vai kā tomo, kāreka te au ‘apinga māmāngikā, ka pānu ‘ua noātu ‘oki ē kāre ‘ē tā’anga’anga ‘ia te vairākau ‘akamātoru. Ko tēta’i rāvenga tēia nō te kōpae ‘anga mai ‘i te au ‘apinga mama’ata ‘i roto ‘i te vai ma.
5. TĀ’AU’ANGA: Ka kōpae mai te matīni ‘ē tā’anga’anga ra ‘i te one tea ‘ei tā’au ‘i te vai ‘i te au ‘apinga rikiriki i ‘i roto ‘i te vai nā mua. Ka rauka ‘i te matini tā’au ‘okotai ‘i te tā’au atu mei te 9,000 rita vai ‘i te ora ma te kore ‘e tā’anga’anga ‘anga ‘i tēta’i vairākau.

Rāvenga Tāmā Vai ‘ō Te Ngutu’are

Kā kino te tūranga ‘ō te vai mē nga’ā tēta’i au ngāi ‘i runga ‘i te paipa ‘ē ‘i rungāo ‘i tē reira mē kare ‘ē mako te ‘anga’anga ‘ā te aronga ma’ani paipā vai. Ko te au rāvenga tāmā’anga vai paipa ‘i roto ‘i tēta’i au ngutu’are te rāvenga meitaki roa atu kia tau te vai nō te inu. Ko te ngā rāvenga ‘oki ‘ē tā’anga’anga putuputu ‘ia nei ‘i roto ‘i te ngutu’are koia ko te tā’au (Filter) ‘ē te ata tāmate manumanu (UV), ko tēia katoa ‘oki te rāvenga ‘ē tā’anga’anga ‘ia nei ‘i kō ‘i te au ngai ‘akakī’anga vai inu ‘i roto ‘i te au ‘ōire ‘i tēia tuātau.

Ta’anga'anga 'Anga ‘ē Te Tāma'anga

Ko te Anolyte solution tēta’i ‘apinga kā tau kia tā'anga'anga ‘ia nō te tāmā atu ‘anga ‘i te au tāngika ‘ē te au paipa vai ‘i mua ake ka ta'anga'anga ‘ia ei tē reira.’ Ᾱiteite ‘ua te mā ‘ō te paipa ki tā te vairākau chlorine tāma’anga, ‘ināra kāre ‘ā teia kino ‘ē ‘akatupu ki te aorangi mei tā te Chlorine ka ‘akatupu.

Mē mārie ‘oki te ta’e’anga ‘ō te vai nō te repo pupuru ‘i roto ‘i te paipa, ka rauka ‘ua te au pona tātaki ta’i ‘i te tāmā nā roto ‘i te ‘akaki’anga ‘ē te ‘ōpara’anga ‘i te ungaunga vai toka(ice) nā roto ‘i te paipa.

Download

Download Te Vai Ora Maori: Non-chemical Water Treatment Methods

References and Further Reading

• Te Vai Ora Maori – Community Facebook Page.
• Rarotonga: Alternatives to Chemical Water Treatment. A Kirkwood, J Flanagan, IBID.
  Comprehensive exploration of the above water treatment methods and supporting research into Rarotonga’s source water and supply systems.
• Vetiver in the Cook Islands. A Kirkwood, J Flanagan, IBID.

Classification/subjects: Te Mato Vai, To Tatou Vai, chlorination, coagulation, biocoagulants, biofiltration, disinfection, drinking-water, commissioning, surface water, non-chemical water treatment, filtration, vetiver grass, moringa oleifera, Rarotonga, Cook Islands, South Pacific.

Acknowledgements / Meitaki ma’ata

Te Mato Vai engineers David Sloan and Ross Dillon for technical detail on the new Te Mato Vai System. Evan Mayson and Tangi Taoro from the Project Management Unit for access to the Turangi Water Treatment Plant. Dr Ian Calhaem for information on anolyte and oice-piggin’. Maori translation by Julie Taripo Shedden and Tauraki Rongo. Info-graphic: Island Booth Information Design.

Published 7 Nov 2019. .